Монгол Улсын Үндэсний аюулгүй байдлын үзэл баримтлал, Монгол Улсын Хүнсний тухай хууль, Хүнсний бүтээгдэхүүний аюулгүй байдлыг хангах тухай хуульд манай улс хүнсний аюулгүй байдлыг хангах хууль, эрх зүйн зохицуулалтын шинэ орчин бий болж, уг үзэл баримтлал болон хуульд хүнсний аюулгүй байдлын тухай ойлголт, тодорхойлолтыг тодорхой тусгаж өгсөн.
Үндэсний статистикийн хорооны даргын 2015 оны А/12 тоот тушаалаар шинэчлэн батлагдсан аргачлалын дагуу хүнсний аюулгүй байдлын статистикийн мэдээллийн нэгдсэн тогтолцоог бүрэн бий болгож, хүнсний аюулгүй байдлын түвшинг тодорхойлж, нийгмийн эрүүл мэнд, хүнс, хөдөө аж ахуйн салбарын бодлогын чиглэлийг боловсруулж, цаашид авч хэрэгжүүлэхэд шаардлагатай статистикийн тоо баримтыг бүрдүүлсэн болно.
Хүнсний аюулгүй байдлын статистикийн үзүүлэлтийг хүнсний хангамж; хүнсний хүртээмж; хүнсний илчлэг, шим тэжээл; хүнсний бүтээгдэхүүний аюулгүй байдал гэсэн дөрвөн хэсэгт хуваан авч үзсэн.